Lorea, Ane, Rebeka, Alazne JOLAS KOOPERATIBOAK

  JOLAS KOOPERATIBOAK

NON DAGO ZURE BIKOTEA?
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Baloratua sentitzea. -          Taldekideak euren artean ezagutzea. -          Entzumen aktiboa lantzea. -          Taldeko kide sentitzea. -          Elkarlanean aritzea.
Garapen kognitiboa	-          Arreta mantentzen ikastea. -          Entzuna izatearen sentsazioa bizitzea.
Garapen psikomotorra	-          Espazioan orientatzeko gaitasuna garatzea. -          Ikusmenaren bidez norabidea ezagutzea.
Jardueraren deskribapena: Kolore ezberdinetako kartoi mehe kopuru bat daukagu, kopuru hori jolasean parte hartuko duten haurren erdia izango da. Kartoi mehe bakoitza erditik mozten da forma ezberdinak emanez, eta taldekide bakoitzari kartoi mehe zati bat ematen zaio. Jokalariek kolore berdineko kartoi mehearen beste zatia duen kidea aurkitu beharko dute. Behin bikoteak aurkitu direnean, hiru galdera egingo dizkiote elkarri: (proposamena) “Zein jolas gustatzen zaizkizu? Noiz betetzen dituzu urteak? Zein da zure kolore gustukoena?...” Ondoren, taldekideak borobilean ipiniko dira, eta pertsona bakoitzak bere kartoi mehe bikotea aurkeztuko du talde osoaren aurrean honek eman dion informazioarekin. Helduak galdera ezberdinak proposatuko dizkie euren artean egiteko, galdera horien erantzunak izango dira gero talde handian aurkeztuko direnak.
Materiala: Bikoteka: Kartoi mehea forma ezberdinekin moztuta.		Denbora: 20 minutu	Talde egitura: Talde txikia- talde handia.
Iturria: Garaigordobil, M. (2007)

DANTZAKO BIKOTEAK
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Dantzatzean plazera sentitzea. -          Elkartzeak, besarkatzeak eta besarkatua izateak sortzen duen plazera sentitzea. -          Dantzaren bidez erlaxatzen ikastea . -          Entzumen aktiboa lantzea. -          Mugimenduen koordinazioa lantzea. -          Taldeko kide sentitzea.
Garapen kognitiboa	-          Arreta mantentzen ikastea.
Garapen psikomotorra	-          Gorputz eskema lantzea. -          Ikusmenaren bidez norabidea ezagutzea.
Jardueraren deskribapena: Parte hartzaileek zenbaki bat eramango dute paparrean itsatsita 1etik 5era eta musikarekin dantzatuko dute. Momentu puntualetan helduak musika geldituko du eta ozen esango du “besarkadak _ zenbakiari!” eta 1etik 5erako tartean dagoen zenbaki bat esango du; orduan zenbaki hori duten haurrak gelaren erdian kokatuko dira eta beste haurrek besarkatu egingo dituzte. Hau errepikatu egingo da taldeko haur guztiak besarkatuak izan arte.
Materiala: Irratia edo musika aparatua eta CD bat musika animatuarekin. Tamaina handiko etiketa itsaskorrak 1etik 5erako zenbakiekin.		Denbora: 20 minutu	Talde egitura: Talde handia
Iturria: Garaigordobil, M. (2007)

IBAI MAGIKOA
Helburuak:. Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Inpultsoen autokontrola lantzea. -          Arauak errespetatzen ikastea. -          Besteekiko enpatia sentitzea. -          Autokontzeptua-autoestimua garatzea. -          Baloratua sentitzea. -          Entzumen aktiboa lantzea. -          Laguntzazko harremanak sortzea. -          Konfiantza sustatzea.
Adimen garapena	-          Sinbolizaziorako gaitasuna lantzea. -          Arreta mantentzen ikastea.
Garapen psikomotorra	-          Koordinazio dinamiko orokorra lantzea. -           Mugimendua eta ikusmena koordinatzen ikastea. -          Oreka mantentzea. -           Ikusmen bidez espazioan orientatzea. -          Gorputz eskema lantzea.
Jardueraren deskribapena: Lehenengo espazio jakin bat mugatuko dugu zeina ibai magikoa izango den. Horretarako klarionarekin espazio zabal bat markatuko dugu, eta bere barnean bata bestearengandik distantzia batera uztai batzuk marraztuko ditugu, hauek harria sinbolizatuko dute. Ibai magikoa da eta inork ezin du ura ukitu. Norbaitek ura ukitzen badu izoztu egingo da. Jolasa, uztai batetik bestera salto egitean datza, uretara jauzi gabe. Uztai batetik besterako distantzia, adin horretako haurrek salto egiteko modukoa izan beharko da. Haurren bat uretara erortzen bada, izoztu egiten da eta zain egon behar da beste haurren bat izoztu egin dela konturatu arte eta  berari laguntzera etorri arte. Horretarako laguntzera doan haurra, izoztua dagoen beste haurrarengana joango da, eskua emango dio bera ere harrira igo dadin, eta behin biak harri berdinean daudela, besarkada eta muxu bat emango dute, horrela berriz jolasten jarraitu dezake izoztuta zegoenak. Jolasa atzetik musika lasai bat dagoelarik egingo da. Heldua iratxo bihurri bat izango da zeinak noizean behin uztailak leku batetik bestera mugituko dituen.
Materiala: Erdi-tamainako uztai batzuk (gutxienez jokalari kopuruaren uztai erdiak)		Denbora: 20 minutu	Talde egitura: Talde handia
Iturria: Garaigordobil, M. (2007)

GURE ARGAZKIEKIN PUZZLEA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Laguntzak eta lagundua izateak sortzen duten plazera bizitzea. -          Baloratua sentitzea -          Niaren auto-baieztapena garatzea. -          Entzumen aktiboa lantzea.
Garapen kognitiboa	-          Arreta mantentzen ikastea.
Garapen psikomotorra	-          Mugimendua eta ikusmena koordinatzen ikastea. -          Espazioan orientatzeko gaitasuna lantzea. -          Zatiak-osotasuna harremana ezartzea. -          Espazioan orientatzen jakitea. -           Lateralitatea lantzea.
Jardueraren deskribapena: Jolas honetan taldeko partaideek kooperazioan euren lau argazki berreraikitzea eskatzen da. Lau pertsonako taldeak osatu ondoren, taldekide bakoitzari gutun-azal bana ematen zaio barruan hiru argazki ezberdinen zati banarekin. Ondoren arau hauek ematen dira: Taldean arituz, gela honetako haurren argazkiekin puzzlea osatu behar duzue. Lau gutun-azal ezberdinetan banaturik, puzzlea osatzeko behar dituzuen lau zatiak egongo dira, argazki hau bezalakoak (eta argazki-modeloa erakusten da) izango dira. Bakoitzak bere aurrean argazki bat eraiki beharko du, baina jolasa taldekide guztiek argazkia eraikitzean bukatuko da. Horretarako, taldekideei zuek dauzkazuen zatiak eman beharko dizkiozue eta haiek euren zatiak. Gainera ondorengo arau hauek bete beharko dituzue: zuen gutun-azalean dauden zatiak zuen taldekideei eman ahalko dizkiozue behar badituzte eta zuei ere eman ahalko dizkizuete. Ezin da inori piezarik kendu. Norbaitek zuk behar duzun zatia badauka, eska diezaiokezue baina zain egon beharko zarete lehenengo berak eskaintzeko. Oso adi egon beharko zarete ikusteko zein zati ez duzuen zuek behar eta behar duenari eskaintzeko. Bukaeran taldekide guztiek puzzleak behatuko dituzte.
Materiala: Taldeka: lau taldekideen lau koloreetako argazki, DIN A4 tamainan. Orri bakoitza hiru zatitan moztuko da eta lau gutun-azaletan sartu.		Denbora: 30 minutu	Talde egitura: Talde txikia.
Iturria: Garaigordobil, M. (2007)

APOARI MUXUA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Errepresentazio gaitasuna lantzea. -          Antzezpen dramatikoaren bitartez emozioak adieraztea. -          Entzumen aktiboa lantzea.
Garapen kognitiboa	-     Arreta mantentzen ikastea. -          Sinbolizaziorako gaitasuna lantzea.
Garapen psikomotorra	-          Mugimendu bidez adierazten jakitea. -          Entzumen aktiboa lantzea. -          Espazioan orientatzeko gaitasuna izatea.
Jardueraren deskribapena: Haurrak borobilean zutunik ipintzen dira. Jolasaren lehenengo zatian, ipuinean agertuko diren animalia ezberdinak erakusten dira, animali hauekin jolastuko dute geroago: apoa, hartza, eulia, dortoka, trikua, katua, igela eta arraina. Ipuina irakurriko duen helduak, talde osoari animali horien argazkiak erakutsiko dizkio eta denen artean erabakiko dute zein soinu egiten duen animaliak eta nola mugitzen den, animalien ezaugarriei buruz hitz egingo dute. Ondoren, haurren artean animalien rolak banatuko dira, batzuei dortoka, besteei apoa, etab. Jolasaren bigarren zatian, taldeko haurrak borobilean eseriko dira lurrean eta heldua “Apoari muxua” ipuina irakurtzen hasten da. Helduak, aurretik aipaturiko animaliaren bat esaten duenean, animalia hori irudikatzen duten haurrak, zutundu eta animalia horren mugimendua eta soinua egin beharko dute segundo batzuetan. Ondoren, helduak ipuina irakurtzen jarraitzen du. Bestalde, helduak “putzua” hitza esaten duenean denak zutundu eta euren buruaren baitan buelta bat eman beharko dute eta ondoren berriz eseri.
Materiala: Animalien argazkiak: apoa, hartza, eulia, dortoka, trikua, katua, igela eta arraina.		Denbora: 20minutu.	Talde egitura: Talde Handia.
Iturria: Garaigordobil, M. (2007)

APOARI MUXUA IPUINA

Bazen behin putzu batean bizi zen apo txiki bat. Apoa zoriontsu eta pozik zegoen, behar zuen guztia zeukan: gurpil zahar batean eginiko ohe bat eta ur garbi asko. “Apo batek ez du ezer gehiago behar” pentsatzen zuen, baina egun batean... zuhaitz bateko zuloan, muxu ematen zuten bi urtxintxa ikusi zituen! “Ai! Zelako polita!” pentsatu zuen apoak eta bat-batean oso bakarrik sentitu zen. “ Nik ere nahi dut norbaitek niri muxu ematea!” esan zuen, eta segituan norbait horren bila hasi zen. Basotik hurbil hartz bat ikusi zuen. “Zelako polita den!” – pentsatu zuen apoak- “Hain indartsua eta horrelako azal leunarekin! Baina ez da egokiena niri muxu emateko. Ni baino bi metro altuagoa da. Muxu ematerakoan txikituko nau!” Orduan euli batekin aurkitu zen. -Itxoin!- esan zuen apoak- Muxutxo bat ematea gustatuko litzaidake. -Ergela naizela uste duzu?- garrasi egin zion euliak- Zuk jan egin nahi nauzu, esan egia! Baina ez dizut utziko! Ni baino ergelagoa den norbait aurkitu beharko duzu! Eta eulia hegan joan zen. Apo txikia triste sentitzen hasi zen, baina ez zen garaitutzat eman. “Noizbait muxu bat eman nahi didan norbait aurkituko dut” – pentsatu zuen- “eta liluragarria izango da!” Orduan dortoka bat ikusi zuen. “Agian berak emango dit muxua? Ai ez, zaharregia da niretzako, 105 urte dauzka.” Geroago, trikuarekin aurkitu zen lurreko hostoen artean. “Ze barregarria den, sudur luze horrekin!”- pentsatu zuen apoak- “Baina arantza horiekin! Zenbat arantza! Gizajoa! Nori emango dio horrek ba muxu!” Halako batean, katu bat aurkitu zuen saguen etxe aurrean. “Ze polita den!” –pentsatu zuen- Oraingoan bai!” -          Zuri muxu ematea gustatuko litzaidake - esan zion. -          Muxu bat?- galdetu zion katuak- Horretarako hogei sagu txiki ekarri beharko dizkidazu. Badauzkazu? -          Ez – esan zuen apoak. -          Orduan, agur maitea. Apoa bere putzura bueltatu zen. Harri batean jesarri zen eta urari begira geratu zen. “Inork ez dit nahi muxu eman” pentsatu zuen triste. Orduan, bere burua ispilu batean bezala ikusi zuen uretan. Eta bat-batean ideia bat otu zitzaion: “Nik neure buruari emango diot muxu!” Apoa bere aurpegi erreflexuarengana uretara hurbildu zen momentuan eta ur azala musukatzera zihoala, arrain bat agertu zen bizkor- bizkor  igerian eta… mua!! Gertatu da!! Arrainak pentsatu zuen zorri bat zegoela uretan. Jan egin nahi zuen! Apoak pentsatu zuen arrainak muxu eman ziola. Zelako pozik zegoen! Putzuaren inguruan saltoka ibili zen oihu eginez! “Muxu eman dit! Muxu eman dit!” Apo txiki gizajoa! Gau horretan, apoak oso pozik lo egin zuen bere gurpil zaharrean oso pozik sentitzen baitzen. Gauerdian igel bat hurbildu zen bere ohera.  Igelak apoa maite zuen orain dela denbora askotik, baina lotsatiegia zen apoari ezer esateko. Baina egun horretan, apoa hain zegoen dotore, igela berarengana hurbildu zela eta muxu eman ziola. “El ratón, el sapo y el cerdo” Erwin Moser-ren ipuinaren egokitzapena.

MARRAZKI KOLEKTIBOA (2)
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	- Marrazkiaren bitartez, emozioak, esperientziak eta fantasiak adieraztea. - Bakoitzak egindako lana baloratua izatea. - Elkarlana sustatzea.
Adimen garapena	- Sormen grafiko-figuratiboa lantzea. - Gai bat eta irudia asoziatzeko pentsamoldea garatzea.
Garapen psikomotorra	- Mugimendua eta ikusmena koordinatzea.
Jardueraren deskribapena: Taldeak egiten dira (ez da komeni sei pertsona baino gehiago egotea talde bakoitzean). Talde bakoitzak ilara bat sortuko du, talde bat bestearen ondoan. Aurrean mahai gainean A3ko paper zuri bat eta arkatz bat egongo da talde bakoitzarentzako. Arduradunak gai bat esango du ozenki eta ilarako lehenengoa papera dagoen tokira joango da marrazkia egitera. Arduradunak "listo" esaten duenean marrazten ari denak arkatza mahai gainean utziko du eta ilaran dagoen hurrengoa joango da marrazkiarekin jarraitzera, eta marrazten ari zena ilararen atzean jarriko da. Bukaeran marrazki guztiak ikusiko dira eta horri buruz hitz egingo da.
Materiala: Arkatza (4), DIN A3ko papera (4)		Denbora: 20 min.	Talde egitura: Talde Handia –Talde txikia
Iturria: www.marianistas.org/juegosnº1

SORPRESA OPARIA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	- Emozio positiboak aktibatzea. - Frustrazioaren kudeaketa lantzea. - Jokaera prosoziala lantzea: partekatzea. - Taldeko kide izatearen emozio positiboak sentitzea.
Adimen garapena	- Irudimena garatzea. - Arreta mantentzea.
Garapen psikomotorra	- Mugimendua eta ikusmena koordinatzea.
Jardueraren deskribapena: Jolasean hasi aurretik, pertsona helduak pakete handi bat egin behar du. Barnean, kaxa txikiak handiagoen barnean sartuz. Kaxa bakoitza oparitarako bildu beharko da. Lehenengoaren barnean opari txiki bat sartu beharko da, baina denen artean partekatzeko modukoa- esate baterako, gailetak, puxikak, margoak, txokolatea - Taldeko haurrak biribilean eseri beharko dute, eta esan behar zaie sorpresa oparia dutela, eta musika entzuten den bitartean soilik mugitu behar dela paketea. Beraz, musika entzuten duten bitartean, paketea eskutik eskura joango da haurren artean, baina musika gelditzean, eskuetan duen haurrak paketea desegiten hasi beharko du, harik eta berriz musika jotzen hasten den arte. Orduan, berriro hasi beharko dute paketea eskutik eskura mugitzen. Azken kaxa irekitzen duen jokalariak taldeko kide guztien artean banatu beharko du oparia.
Materiala: Tamaina ezberdinetako kaxak. Oparia biltzeko papera eta gailetatxo batzuk.  Musika.		Denbora: 15 min.	Talde egitura: Talde handia
Iturria: Garaigordobil, M. (2005)

MUSIKAREKIN ERLAXATZEN
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-            Autokontzeptua lantzea. -            Emozioak adieraztea. -          Ahozkoa komunikazioa lantzea.
Adimen garapena	-          Sormen grafiko-figuratiboa garatzea: originaltasuna, adierazkortasuna.
Garapen psikomotorra	-          Hatzen trebetasuna lantzea. -          Ikusmenaren bidez espazioa hautematea.
Jardueraren deskribapena: Jarduera honetan musika pieza lasai bat jarriko da, ez oso ozen. Jokalariak borobilean eseri eta begiak itxiko dituzte. Bakoitzak pelikula edo amets bat sortuko du musikak irauten duen bitartean. Hau bukatzen denean bakoitzak marrazki batean bere pelikula edo ametsa marraztuko du. Azkenik, marrazki hori gainontzeko kide guztiei azalduko zaie ozen eta banan-banan.
Materiala: Musika lasai eta erlaxatzailea, papera eta margoak.		Denbora: 15-20 minutu	Talde egitura: Talde handia
Iturria: Garaigordobil, M. (2005) moldatua.

ANTZEZLEAK GARA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen afektiboa	-          Emozioak adieraztea dramatizazioaren bitartez. -          Baloratua sentitzea.
Garapen soziala	-          Ahozko komunikazioa lantzea: entzumen aktiborako eta erabakiak hartzeko ohiturak hartzea. -          Haurra taldeko kide sentitzea.
Adimen garapena	-          Sormen dramatikoa lantzea: originaltasuna, adierazkortasuna, lotura, fantasia. -          Sinbolizaziorako gaitasuna lantzea. -          Arreta mantentzen ikastea.
Garapen psikomotorra	-          Koordinazio dinamiko orokorra eta gorputz eskema kontrolatzea.
Jardueraren deskribapena: Irakasleak zenbait antzerki aurkeztuko dizkie ikasleei. Antzerki horiek ikasten ari diren gaiarekin harremana izan dezakete. Antzezpen hori egin nahi duten haurren artean talde txikiak egingo dira (antzezpenean dauden rolen araberakoak). Ondoren, taldekideek aipatuko dute zein diren gehien gustatzen zaizkien antzerkiak, eta gero, guztien artean bat aukeratu eta antzeztuko dute. Aukeratze lan hori adostasunean oinarriturik egingo dute; hau da, denek onartzen dutena aukeratuko dute, edo bestela, gehiengoari erreparatuta; esan nahi baita, taldekideek gehien aipatzen duten ipuina aukeratuko dute. Gero, rolak banatuko dituzte eta antzezpenerako behar dituzten materialak edo mozorroak prestatuko dituzte, eskura dituzten osagaiekin. Azkenik, talde bakoitzak txandaka-txandaka gainerakoen aurrean antzeztuko du lana; eta jakina, gainerako horiek ikusle lana egingo dute.
Materiala: Antzerkiak eta mozorroak egiteko materialak.		Denbora: 30 minutu	Talde egitura: Talde txikiak- talde handia
Iturria: Garaigordobil, M. (2005) moldatua.

ANIMALIA BIKOTEAREKIN TOPAKETA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio- afektiboa	-          Dramatizazioaren bidez emozioak adieraztea. -          Haurra taldeko kide dela sentitzea. -          Interpretazioa lantzea.
Adimen garapena	-          Sormen dramatikoa lantzea. -          Sinbolizaziorako gaitasuna lantzea. -          Arreta mantentzen ikastea. -          Elkartasunean aritzea.
Garapen psikomotorra	-          Koordinazio dinamiko orokorra lantzea.
Jardueraren deskribapena: Haur bakoitzari karta bat emango zaio. Bertan animalia bat agertuko da: tximua, igela, oilarra, ardia, sugea, eulia, lehoia, txoria… Haur guztiek karta bereko bikote bat izango dute. Helburua bikote hori aurkitzea izango da. Horrela ba, irakasleak “bat, bi eta hiru” esatean haur guztiek tokatu zaien animalia hori imitatuko dute eta beren bikotea aurkitu. Bikotearekin topatzean elkarri besarkatu beharko diote.
Materiala: Animalia bikoteak dituzten kartak.		Denbora: 15 minutu	Talde egitura: Bikoteak- talde handia
Iturria: Kometako ikastarotik eskuratua.

PUZZLE KOOPERATIBOAK
Helburuak:  Jolas honekin lortuko ditugun helburuak ondorengo hiru eremuetan landuko ditugu.
Garapen Sozio- afektiboa	-          Baloratua sentitzea. -          Ahozko komunikazioa lantzea: entzumen aktiborako ohiturak hartzea. -          Laguntza jokaerak bultzatzea. -          Talde barneko kohesioa sustatzea. -          Estrategien garapena lantzea.
Adimen garapena	-          Arreta mantentzen ikastea. -          Laburbiltzeko gaitasuna lantzea.
Garapen psikomotorra	-          Mugimendua eta ikusmena koordinatzea. -          Ikusmen bidez hautematen jakitea. -          Zatiak-osotasuna harremanari erreparatzea. -           Espazioan orientatzea. -          Lateralitatea lantzea.
Jardueraren deskribapena: Ikasle guztiak bost jokalariz osatutako taldetan banatu behar dira. Talde bakoitzak puzzle bat izango du. Puzzleko piezak taldekide guztien artean banatuko dira, eta jokalari bakoitzak 10 pieza izango ditu. Jolasaren helburua guztion laguntzarekin puzzlea osatzea da. Taldea bera izango da jarduera egiteko antolakuntza finkatuko duena (piezak jartzeko modua aurretik hitzartuta, edo nahieran; hau da, bere tokian jartzeko pieza bat bilatu orduko bakoitzak hura jartzea…)
Materiala: Talde bakoitzeko 50 piezako puzzle bat		Denbora: 20 minutu	Talde egitura: Talde txikiak
Iturria: Garaigordobil, M. (2005) moldatua.

BETAURREKO MAGIKOAK
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozioafektiboa	-          Auto-kontzeptua eta autoestimua lantzea. -          Baloratua sentitzea. -          Ahozko komunikazioa lantzea. -          Talde kohesioa sustatzea. -          Norberarengan eta besteekiko konfiantza lortzea.
Garapen kognitiboa	-          Hizkuntza lantzea (adierazpena eta ulerkortasuna). -          Arreta mantentzen ikastea.
Garapen psikomotorra	-          Norabide nozioa lantzea.
Jardueraren deskribapena: Haur taldea borobilean eseriko da. Egun horretan arduraduna den haurrak betaurreko magikoak jantziko ditu. Altxa eta bere lagun batengana joango da eta zerbait positiboa esango dio (adibidez, oso ondo marrazten dituzu etxeak). Mezu positiboa jaso duen pertsona altxatuko da oraingoan eta beste haur batengana gerturatuko da beste mezu positibo bat esanez. Ezingo da pertsona batengana bi aldiz joan, helburua denei mezu positibo bat iristea baita.
Materiala: Betaurreko batzuk		Denbora: 15 minutu	Talde egitura: Talde handia
Iturria: Altzoko herri eskolako irakasleak azaldua.

ETXE BILA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Autoestimua lantzea. -          Baloratua sentitzea. -          Emozioen adierazpena lantzea (marrazki bidez). -          Entzumen aktiboko ohiturak lantzea. -          Portaera prosozialak sustatzea ( laguntza eman eta laguntza eskatu eta jasotzea). -          Talde kohesioa sustatzea.
Garapen kognitiboa	-          Sormen grafiko-figuratiboa lantzea. -          Arreta mantentzen ikastea.
Garapen psikomotorra	-           Gorputz eskema, entzumen pertzepzioa, mugimenduen azkartasuna eta erreflexuak, ikusmen pertzepzioa lantzea.
Jardueraren deskribapena: Lehenik eta behin gela osoan zehar uztaiak banatuko dira (uztaien kopurua haurren berdina izango da).  Haurrak gela osotik ibiliko dira, oso mugitua den musika baten erritmoan (bestela irakasleak abes dezake). Nahi duten eran mugituko dira gelatik, eta baldintza bakarra uztaiak ez zapaltzea izango da. Helduak musika deskonektatzean (edo isiltzean) eta “ETXEA” hitza esatean, haur guztiak uztai baten barruan sartuko dira. Ekintza hau bi edo hiru aldiz errepikatuko da. Ondoren zenbait uztai kenduko dira eta zenbait jokalari etxe gabe geratuko dira. Hauek bizilagun bat bilatuko dute eta baimena eskatuko dute etxe horretan sartu ahal izateko. Hasieran jarritako uztaien laurdena geratu arte errepikatuko da jolasa. Uztai barruan daudenei ezingo zaie ez bultza ezta bertatik atera ere. Uztai batetik gertu ere ezingo da egon, gela osotik mugitu beharko dira. Ondoren, marrazki bat egingo dute beraien ametsetako etxea margotuz.  Azkenik, marrazkia azalduko dute denen aurrean.
Materiala: Uztaiak (ikasleko bat). Papera eta margoak.		Denbora: 30 minutu.	Talde egitura: Talde handia
Iturria: Garaigordobil, M. (2007)

HIRUKIEN GAINEAN MARRAZKIAK EGITEN
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Auto-kontzeptua lantzea. -          Baloratua sentitzea. -          Entzumen aktiboko ohiturak ikastea. -          Talde kohesioa sustatzea.
Garapen kognitiboa	-          Sormen grafiko- figuratiboa lantzea. -          Hizkuntza adierazkortasun eta ulerkortasuna lantzea. -          Arreta mantentzen ikastea.
Garapen psikomotorra	-           Koordinazio ikusmotorea, ikusmen pertzepzioa, antolatze pertzepzioa sustatzea.
Jardueraren deskribapena: Jokalariak bikoteka jarriko dira. Bikote bakoitzak hiruki bat marraztua duen folio bat jasoko du. Jokalariei esango zaie hirukia daukan marrazki bat egin beharko dutela. Bikoteko kideen artean komunikatzeko tarte bat hartu beharko dute bakoitzak bere ideiak azal ditzan. Ondoren, erabaki duten marrazki horren prozedura adostuko dute, hau da, modu kooperatibo batean marrazkia nola egingo duten. Marrazki guztiak bukatu ondoren erakusketa bat egingo da denen marrazkiak ikusi ahal izateko.
Materiala: Hirukia marraztua duten orriak, arkatzak eta margoak.		Denbora: 25 minutu	Talde egitura: Bikoteak
Iturria: Garaigordobil, M. (2007)

o   MATERIALIK BEHAR EZ DUTEN JOLASAK

BILBORA BIDAIA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Baloratua sentitzea. -          Antzeztearen plazera sentitzea. -          Entzumen aktiboa lantzea. -          Parte-hartzea sustatzea.
Adimen garapena	-          Sinbolizaziorako gaitasuna lantzea. -          Arreta mantentzen ikastea.
Garapen psikomotorra	-          Koordinazio dinamiko orokorra lantzea. -          Ikusmen aktiboa lantzea.
Jardueraren deskribapena: Haurrak zutunik gelaren erdian ipintzen dira. Helduak bidai bat egitera doazela  Donostiatik Bilbora eta horretarako garraiobide desberdinak erabiliko dituztela esango die: hegazkina, kotxea, globoa, patinak, bizikleta, motorra, trena, itsasontzia, patinetea... Bidaia hasi aurretik, esango zaie garraiobide ezberdin horiek antzeztu beharko dituztela. Bidaia hasten da eta helduak dio: “Donostiatik Oriora joateko hegazkina hartuko dugu” eta denek hegazkina izango bailiran bezala arituko dira gela osotik segundo batzuetan. Ondoren dio: “ Orain Oriotik Zarautzera trenean joango gara”, eta denak trena izango bailiran egingo dute trenaren soinua eginez, eta gela osotik ibiliaz. Orain berriz dio helduak “Trena utziko dugu eta Zarautzetik Debara joateko motorra hartuko dugu”... “Deban, hondartza ondoan dagoen parkera joango gara eta bizikletan buelta bat emango dugu”... Eta horrela egingo da jarraiki Bilbora heldu arte, bidaian haurrek ezagutzen dituzten garraiobide ezberdinak erabiliz.
Materiala: Ez dago		Denbora: 20 minutu	Talde egitura: Talde handia
Iturria: Garaigordobil, M. (2007)

ILUNPEKO BESARKADAK
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	- Elkartzean, besarkatzean eta besarkatua izatean emozioak adieraztea. - Laguntzean eta lagundua izatean enpatia lantzea. - Segurtasun eza eta beldurrarekin loturik dagoen frustrazioa kudeatzen ikastea. - Laguntzarako jarrerak lantzea.
Adimen garapena	- Entzute aktiboa lantzea.
Garapen psikomotorra	- Ikusmenezko erreferentziarik gabe espazioan orientatzea.
Jardueraren deskribapena: Bikoteka egiteko jolasa da honako hau. Taldeko kideak binaka jarri ostean, pertsona helduak bi bikote aukeratu beharko ditu. Lau jokalariei begiak estali, eta gainerako taldekideek osatutako biribil erraldoiaren barneko espazioan sakabanatuko ditu. Helburua jokalari bakoitzak bere bikotea aurkitzea, eta aurkitzen duenean maitasunez betetako besarkada bat ematea da. Borobil erraldoian dauden haurrak barruan dauden kideei bere bikotea aurkitzen lagundu behar die "beroa", hurbiltzen denean esanez, eta "hotza" urrutiratzen denean esanez. Helduak emango du hasierako abisua. Bikoteak aurkitzen direnean gainerako guztiek txalo beroa emango dute. Parte hartu dutenak borobilean eseriko dira eta beste bi bikote aterako dira jolasera. Hala jardun beharko dute, bikote guztiek parte hartu arte.
Materiala: Begiak estaltzeko zapiak		Denbora: 15 min.	Talde egitura: Bikoteka – Talde handia
Iturria: Garaigordobil, M. (2005)

KORAPILOA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	- Taldekide guztiekin lotzean ondo pasatzea. - Entzumen aktiborako ohiturak hartzea. - Elkarlanean aritzea.
Adimen garapena	- Irudimena garatzea.
Garapen psikomotorra	- Gorputz eskemaren atal ezberdinak koordinatzea.
Jardueraren deskribapena: Jokalariak borobilean jarriko dira eskutik emanda. Jolasaren helburua eskuetatik askatu gabe elkar gurutzatuz, hanka azpitik, beso gainetik, etab. giza korapilo bat sortzea izango da. Korapiloa egin ondoren helduak ea gai diren askatzeko eskatuko die, eta elkar komunikatuaz poliki-poliki askatzen saiatuko dira.
Materiala: Ez dago		Denbora: 10 min.	Talde egitura: Talde handia
Iturria: Kometa-Intered (2012-11)

GOOFI
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-   Emozioak kontrolatzea eta segurtasun ezarekin eta beldurrarekin lotutako sentimenduak kontrolatzea. -   Beste gizaki batzuen egoera emozionalekiko enpatiarako gaitasuna sustatzea. -   Talde guztia gidatzean autokontzeptua eta autoestimua garatzea. -   Komunikazioan entzumen aktiborako ohiturak hartzea. -   Taldeko kide sentitzea. -   Gainerakoenganako konfiantza garatzea.
Adimen garapena	- Irudimena eta arreta lantzea.
Garapen psikomotorra	- Ukimen bidez hautematea. - Ikusmenezko erreferentziarik gabe espazioan orientatzea.
Jardueraren deskribapena: Taldean aritzeko jolasa da. Guztiak begiak itxita edo estalita eramango dituzte. Taldeko bat Goofi izango da baina inork ez daki zein den. Helburua Goofi aurkitu eta bere bizkarrera lotzea izango da. Goofi aurkitzeko modu bakarra topo egindako kideari “Goofi, Goofi” esatea izango da eta honek “Goofi” erantzunez gero Goofi ez dela esan nahi du, Goofi mutua baita. Goofi aurkitzen dutenek atzean kokatuko dira, bizkarretik helduaz eta Goofi bihurtuko dira, hau da, mutu. Jolasa antolatzen duenak guztiak Goofi bihurtuko direla ikustean, begiak ireki eta zein zen Goofi ikusteko eskatuko die.
Materiala: Ez dago		Denbora: 20 min.	Talde egitura: Talde handia
Iturria: Kometa-Intered (2012-11)

TXINGOMA JAUZILARIA
Helburuak Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	- Mugitzeak, jauziak eta gainerakoekin elkartzeak sortzen dituen emozioak adieraztea. - Elkarlana sustatzea. - Taldeko kide sentitzea.
Adimen garapena	- Irudimena eta arreta lantzea. - Zatiak uztartuz eta osotasuna eratuz laburbiltzeko gaitasuna garatzea.
Garapen psikomotorra	- Koordinazio dinamiko orokorra eta oreka lantzea.
Jardueraren deskribapena: Jolas honetan jokalari bakoitza txingoma likatsu bat izango da. Saltoka, bi oinen gainean, “ñamñamñam” esanaz esandako eremuan batera eta bestera ibiliko da. Jokalariak beste kide bat ukitzerakoan elkarrekin besotik heldu eta saltoka jarraituko dute. Horrela guztiak txingoma erraldoi bat bihurtu arte.
Materiala: Ez dago		Denbora: 15 min.	Talde egitura: Binaka- Talde Handia
Iturria: Garaigordobil, M. (2005)

MAITE ZAITUT
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio- afektiboa	-          Auto-kontzeptua eta autoestimua lantzea. -          Baloratua sentitzea. -          Ahozko komunikazioa lantzea. -          Talde kohesioa sustatzea. -          Norberarengan eta besteekiko konfiantza lortzea.
Adimen garapena	-          Hizkuntza lantzea: adierazpena eta ulerkortasuna. -          Arreta mantentzen ikastea.
Garapen psikomotorra	-          Norabide nozioa garatzea.
Jardueraren deskribapena: Jokalariak aulkietan eseriko dira biribil bat osatuz. Jokalari bat, berriz, erdian geratuko da zutik. Nahi duen laguntxoarengana gerturatu eta zergatik maite duen esango dio; adibidez, “maite zaitut kamiseta urdina duzulako”. Jarraian, kamiseta urdina duten pertsona guztiak aulkitik altxa eta beste aulki batean eseriko dira. Horrela, erdian beste pertsona bat geratuko da. Azken hau beste batengana gerturatu eta beste haur bati zergatik maite duen adieraziko dio.
Materiala: Aulkiak		Denbora: 15 minutu	Talde egitura: Talde handia
Iturria: Eskolan ikasia.

KOLOREEN SORGINA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio- afektiboa	-          Baloratua sentitzea. -          Ahozko komunikazioa lantzea: entzumen aktiborako ohiturak hartzea. -          Talde barneko kohesioa sustatzea.
Adimen garapena	-          Arreta mantentzen ikastea. -          Elkartasuna lantzea.
Garapen psikomotorra	-          Ikusmena eta mugimendua koordinatzea.
Jardueraren deskribapena: Haur taldea horma batean kontra kokatuko da eta sorgina izango den haurra lehenengo jarriko da. Sorginak kolore bat esaten duenean, kolore hori daukaten ume guztiak korrika aterako dira eta beraien artean musu edo besarkada bat eman beharko dute. Horman jarrita daudenean honakoa errepikatuko dute: -          Sorgina: Tok, tok -          Taldea: Nor da? -          Sorgina: Koloreen sorgina -          Taldea: Eta zer kolore nahi duzu? -          Sorgina: Gorria. Haur guztiak sorgina izatea izango da helburua. Horregatik, sorgina izan den pertsona ilararen bukaerara joango da eta lehenengo geratzen den hori izango da sorgin hurrengoan.
Materiala: Ez da materialik behar.		Denbora: 15-20 minutu	Talde egitura: Talde handia
Iturria: Aseginolaza, O.; Olabarri, A.; Delgado, M.; Etxeandia, Z. (2008) moldatua.

ESKULTOREA ETA ESTATUA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Baloratua sentitzea. -          Gorputz adierazpena lantzea.
Garapen kognitiboa	-          Sormen dramatikoa lantzea (originaltasuna, adierazkortasuna). -          Sinbolizaziorako gaitasuna lantzea. -          Arreta mantentzen ikastea.
Garapen psikomotorra	-          Gorputz eskema eta ukimen pertzepzioa lantzea.
Jardueraren deskribapena: Taldea bikotetan jarriko da. Bikoteko kide bat eskultorea izango da eta bestea, berriz, estatua. Jolasaren helburua eskultoreak estatuaren gorputza moldeatzea izango da. Estatua zutik, lurrean, belauniko… moldeatu daiteke eta eskultoreak besoak, hankak, gorputza… mugituko dizkio. Bukatzean, argazkia ateratzen dutela egingo dute itxura. Azkenik, eskultore guztiek euren estatuak erakutsiko dizkiete gainontzeko eskultoreei.
Materiala: Ez da materialik behar.		Denbora: 10 minutu	Talde egitura: Bikoteak
Iturria: Garaigordobil, M. (2007)

ROBOTAK
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Baloratua sentitzea. -          Entzumen aktiboko ohitura hartzea. -          Elkar laguntzea.
Garapen kognitiboa	-          Sormen dramatikoa lantzea (originaltasuna). -          Sinbolizaziorako gaitasuna lantzea. -          Arreta mantentzen ikastea.
Garapen psikomotorra	-          Espazio-ikusmen orientazio eta norabide nozioa lantzea.
Jardueraren deskribapena: Jokalari guztietatik bi aukeratuko dira mekanikoaren lana egiteko. Rol hori txandakakoa izango da. Robotak izango diren jokalari guztien artean ados jarri beharko dira soinu bat aukeratzeko garaian; adibidez, mec mec. Guztien artean soinu ezberdinak proposatuko dituzte eta gehien gustatzen zaiena aukeratuko dute. Soinu hau  mekanikoaren laguntza behar dutenean egingo dute. Irakasleak jolasari hasiera ematen dionean robot guztiak gelatik mugitzen hasiko dira marra zuzen batean (ezin dute alboetara jiratu). Robotak gelako oztopo batekin topo egiten duenean (pareta, aulkiak, ikasgelatik dauden objektuak…) geldirik geratuko dira eta aurretik adostutako soinua egingo dute laguntza eskatzeko. Mekanikoa bertara gerturatuko da eta robotaren posizioa aldatuko du robota desblokeatzeko eta aurrera jarraitu ahal izateko. Mekanikoaren rola txandakatuko da denek laguntza eman eta lagunduak izateko sentimenduak esperimentatu ahal izateko.
Materiala: Ez da materialik behar.		Denbora: 20 minutu	Talde egitura: Talde handia
Iturria: Garaigordobil, M. (2007)

LAGUNEN PASILLOA
Helburuak: Jolas honekin lortuko ditugun helburuak ondorengo hiru eremuetan landuko ditugu.
Garapen sozio-afektiboa	-          Auto-kontzeptua eta autoestimua lantzea.  -          Baloratua sentitzea. -          Ahozkoa eta ahozkoa ez den komunikazio gaitasuna lantzea. -          Talde kohesioa sustatzea. -          Norberarengan eta besteekiko konfiantza lantzea.
Garapen kognitiboa	-          Hizkuntza lantzea (adierazpena eta ulerkortasuna) . -          Arreta mantentzen ikastea.
Garapen psikomotorra	-           Norabide nozioa barneratzea.
Jardueraren deskribapena: Taldeko kide guztiak bi ilaratan jarriko dira, aurrez aurre pasillo bat osatuz. Txandaka, jokalari bakoitzak pasilloa zeharkatuko du eta gainontzeko ikaskide guztiek zerbait atsegina esango diote (adibidez: atsegina zara, jostailuak uzten dizkidazu, eskuzabala zara... ) edo modu batera edo bestera sinpatia adieraziko diote (musu bat, besarkada bat, edo bururatzen zaien edozein gauza).
Materiala: Ez da materialik behar		Denbora: 20 minutu	Talde egitura: Talde handia
Iturria: Garaigordobil, M. (2007)